Search This Blog

Loading...

Sex Education for Men

KHUSHGAWAR GHARELU ZINDAGI (HAPPY HOME LIFE)
khushgawar gharelu zindagi

KHUSHGAWAR GHARELU ZINDAGI


(HAPPY HOME LIFE)


Dunya mein koi bhi aisa misaali ghar mojood nahin jis mein koi oonch neech aur tu takaar na ho, bulkay wahan da'emi sukoon ho jis ghar mein koi masla nahin, tu takar nahin wahan koi fard kuch chupa raha hai ta'hum khushgawar gharelu zindagi khud ba khud nahin ho jati iss kay liye baqaeda
shaoori koshish aur planning karni hogi. Khud ba khud to kharabi bhi nahin hoti, iss kay liye bhi kuch karna parta hai. Gharelu zindagi ki khushgawari ka ta'alluq donon mian biwi kay sath hai ek fard ki koshish sey ku tabdeeli nahin aati kyun kay kitaab khawateen kay liye likhi gaee hai le'haza iss
mein inn baton ka zikr kya gaya hai jin per amal kar kay biwi gharelu zindagi ko khushgawar bananey kay liye ahem kirdaar ada kar sakti hai.



Khushgawar gharelu zindagi kay chund usool hain agar inn per amal kya jaey to ghar jannat ka namoona ban sakta hai inn mein sey chund darj zael hain:


  1. Tehqeeq sey ma'aloom hua hai kay mard sex aur aurat romance ki bhooki hoti hai mard aurat ko uss waqt zyada mohabbat deta hai jab usey sex milti hai le'haza zyada sey zyada mohabbat hasil karney kay liye mian ko zyada sey zyada sex dein kabhi inkaar na karein. Jinsi inkaar mard ki khuddaari kay liye bohut bari chot aur sadma hai jab mard ko jinsi tor per mustarid kar diya jata hai to woh samajhta hai kay usey shakhsi tor per mustarid kardiya gaya jab khawand ko bar bar mustarid kar diya jata hai to uss  kay jinsi jazbaat sard parr jatey hain aap khawand ko yeh ta'assur dein kay aap ko uss key sath sex bohut pasand hai yeh ta'assur kabhi na dein kay aap kay liye sex nafrat angaez aur makrooh hai. Humarey haan amooman biwi khawand ko iss tarah sex deti hai jaisey bohut bara ehsaan kar rahi ho aur khud usey sex ki zaroorat nahin bar bar ki research sey sabit ho chuka hai kay aurat ko bhi mard ki tarah sex ki zaroorat hai farq sirf yeh hai kay mard sex kay liye foran tayyar ho jata hai jab kay aurat ko kam az kam aadha ghanta chahiyie. Mukhtalif tehqeeqaat sey yeh baat bhi saamney aaee hai kay shaadi kay masail mein sab sey bari wajah sex hai yani jab mard ko hasb e zaroorat sex nahin milti to uss kay dil mein biwi kay liye mohabbat kay jazbaat khatam ho jatey hain aur ghar mein laraee jhagrey shuru ho jatey hain. Sex sey muraad humesha mubashrat nahin hai bulkay jinsi taskeen kay mutabadil tariqey (sexual satisfaction alternatives) bhi istaemaal kiye ja saktey hain jinsi mahireen ka kahayl hai kay agar aap khawand ko zyada sex deingi to woh aap ko zyada mohabbat dey ga. Mardon mein shaadi kay ba'ad najaez ta'alluqaat ki bari wajah ghar mein jinsi naa aasoodgi hai ba'az auqaat jorey ko ta'alluqaat ki kharabi ka masla hota hai iss surat mein masley per tawajjuh markooz karney ki bajaey sex per zyada tawajjuh di jaey to bharpoor jinsi lutf ki wajah sey masley ko hal karna aasaan ho jata hai.
  2. Islam mein khawand ko ghar ka sarbaraah muqarrar kya gaya hai jo biwi ki hifazat aur kifalat ka zimm e daar hai woh apney khandaan ko har sahoolat faraham karney kay liye bharpoor koshish karta hai iss kay liye din raat ek kar deta hai le'haza khandaan kay har fard ki zimm e daari hai kay woh usey sarbaraah jaisa ahetraam dey.  le'haza biwi kay zehen mein yah baat humesha rehni chahiyie kay uss ka khawand khaandaan ka sarbaraah hai aur biwi ka ravayya uss kay sath aisa ho jaisa sarbaraah kay sath hota hai. Khawand kay walaeden ko saas susar ki bajaey sarbaraah kay walaeden samjhein aur unn kay sath wahi sulook karein jo sarbaraah kay walaeden kay sath hona chahiyie yani izzat aur ahetraam ka ravayya. Agar biwi sirf isi ek cheez ko madd e nazar rakhey to ghar laraee jhagrey sey mehfooz rahey ga. Jadeed mahireen bhi yehi kehtey hain kay biwi apney khawand sey baadshah jaisa sulook karey to woh bhi usey malika jaisa ahetraam aur darja dey ga.
  3. Aurton ko mardon sey tawaqqa hoti hai kay woh unhi kay andaaz mein sochein woh unn kay jazbaat ko usi andaaz mein sochein jaisey woh mehsoos karti hain aurtein mardon ko badalney ki koshish karti hain jab kay khushgawar azdawaji zindagi kay liye ek doosrey ko badalney ki bajaey samajhna zaroori hota hai. Donon ko ek jaisa paeda nahin kya gaya albatta ek doosrey kay liye paeda kya gaya hai. 
  4.   Mard aur aurat mein sab sey bara farq yeh hai kay donon apney din bhar ki thakan mukhtalif andaz sey duur kartey hain mard jab thak kar choor hota hai to uss waqt woh har qism ki pareshani sey duuri ikhtiyar kar leta hai. Din bhar kay masa'el aur kaamo'n ko zehen sey nikalney kay liye woh kisi akhbaar ya magazine kay muta'alley ka sahara leta hai, apney zehen ko doosri taraf ley jata hai, khamosh rehta hai chuna'ncha iss doran biwi ko usey disturb nahin karna chahiyie uski khamoshi ko nahin torna chahiyie Mard jab pareshan hota hai yah kisi uljhan ka shikar hota hai uss waqt woh apney masa'el ka zikr kisi sey nahin karta, apni pareshani kisi per zahir nahin karta aur apney aap ko apni zaat kay khol mein qaed kar leta hai aur khamoshi ikhtiyar kar leta hai. Woh khamoshi sey apney masley ka hull talash karta hai woh apni khamoshi mein biwi bulkay kisi bhi fard ki dakhal andaazi pasand nahin karta darasal mard apney masa'el ko khud hull karna chahta hai akeley uss ka muqabla karna chahta hai. Jab usey masley ka hull mil jata hai to woh pursukoon ho jata hai aur woh apney khol sey baher aa jata hai agar woh apney masley ka hull dhoondney mein naakaam rahey tab woh apney khol mein bund rehta hai apney masley ko bhoolney kay liye akhbaar parhta rehta hai, TV dekhta hai, khelon mein dilachaspi leta hai, iss doran mein woh apni biwi pey tawajjah nahin dey pata. Aurat ki khwahish hoti hai kay khawand apney masa'el per uss kay sath khul kar baat karey kyun kay aurat apney masa'el per khul kay guftugoo kar kay pursukoon ho jati hai jab kay mard apney masley ka hull talash kar kay sukoon hasil karta hai. Chuna'ncha iss doran aurat ko pursukoon rehna chahiyie woh mard per bey jaa tanqeed na karey usey mashwara deney ki koshish na karey mard ko yeh baat sukht na pasand hai kay usey aqal dii jaey le'haza apney tor per khawand ko zyada samjhaney aur aqal deney ki koshish na karein amooman aurat jab khawand ko ghaer zaroori tajaweez aur mashwarey ya madad deti hai to woh apney aap ko mian sey duur karleti hai mard ko ghaer zaroori mashwarey aur hamdardi sey chirr hai chuna'ncha iss khamoshi kay doran usey mashwara na dein, aap ko tawajja na deney per tunz na karein. Uss kay jazbat kay muta'alliq zyada sawalaat na karein, uss kay barey mein pareshani ya afsos ka izhaar na karein uss waqt usey sirf khamoshi, mohabbat, hosla afzaee aur bharosey ki zaroorat hai usko masley ko hal karney ki salahiyat per bharosey ki zaroorat hai aurat sirf uss waqt boley jab mard khus uss sey madad maangey.
  5. Aurat apney masail ka tafseeli zikr kar kay sukoon hasil karti hai lekin jab aurat apney masa'el ka zikr karti hai to mard amooman apney aap ko inn masail ka zimm-e-daar samajhta hai, nateejatan woh masa'el nahin sunna chahta jis sey aurat disturb ho jati hai chuna'ncha aurat mard ko yaqeen dilaey kay uss kay inn masa'el ka zimm e daar woh nahin aur na hi uska maqsad tanqeed karna hai albatta jab woh uski mushkilaat ko sum ley ga to woh pursukoon ho jaey gi. Yeh sun kar mard aasani sey guftugoo sunney kay liye tayyar ho jata hai mard ki fitrat hai kay woh zyada baatein nahin karta agar woh baatein karey to zaroori hai kay biwi uski baton ko tokey baghaer suney, uski haan mein haan milaey, foran ikhtilaaf zahir na karey bulkay uss kay bolney ki hosla afzaee karey to woh biwi ko bohut pasand karey ga uski taraf khincha chala aaey ga.
  6. Mard fitri tor per daad chahta hai jab aurat iss baat ka izhaar karti hai kay mard ki koshishon sey usey faeda pohoncha hai iss waqt mard ko lagta hai kay usey daad di gaee hai to woh biwi kay aur qareeb aa jata hai jab ek aurat mard kay shoq aur uski tarjeehaat ko pasand karti hai uss waqt woh isey apni madah siraee mehsoos karta hai. Khaas tor per jab woh uski khoobiyon per haeraani ka izhar karti hai mard ki inn khoobiyon mein bohut si khoobiyan shamil ho sakti hain maslan mazaq ki hiss, quwwat e iradi, mehnat, himmat, mohabbat, hamdardi, eemaandaari, romaniyat, naeki, aur mizaj aashnaee waghaera. Jab ek mard ko saraha jata  hai iss waqt uss mein biwi ko har kisi per tarjeeh deney ki aadat parr jati hai, aurat ko tahaffuz aur mard ko hosla afzaee ki zaroorat hoti hai, biwi ko khawand ki khoobiyon ko barha charha kar beyan karna chahiyie.
  7. Khawand ko apney qareeb karney ka aasaan tariqa hai kay woh jaisa bhi hai usey waisa hi qabool kar liya jaey, usey tabdeel karney ki koshiah na karein, jab aap qabool kar leingi to phir woh khud hi apney aap ko tabdeel karney ki koshish karey ga. 
  8. Ghussey mein inssan ki khoobiyon ko ghunn lag jata hai le'haza ghussey ki haalat mein guftugoo karna munasib nahin baat karein gi ti tulkhi mein izaafa hoga iss ka behetreen hal yeh hai kay aap mian ko ek khat likhein aur apney jazbaat ka izhar karein waisey bhi khat mein aap apney jazbaat ka behter izhaar kar sakein gi iss khat sey aap pursukoon ho jaein gi aur khawand bhi aap kay jazbaat sey aagah ho jaey ga aur tulkhi mein bhi izaafa na hoga. 
  9. Fitri tor per mard ko biwi ki narazzgi aur uss kay hukum chalaney sey sukht nafrat hai iss mein uss kay dil mein aurat ki mohabbat kam ho jati hai aur woh uss sey duur ho jata hai le'haza iss sey bacha jaey. 
  10. Aurat ko ghuma phira kar baat karney ki aadat hai jis ki wajah sey aksar mard biwi ki asal baat samajhney sey qasir rehtey hain jis sey tulkhi paeda hoti hai le'haza aap do tok baat karein mard ko do tok baat pasand hai maslan 'bachon ko skool sey lana hai aur mein la nahin sakti' ki bajaey kahein kay 'kya aap bachon ko skool sey ley aaein gey?' ya 'soda salf gari mein para hai' kehney ki bajaey kahein kay' kya aap gaari sey soda salf utha laein gey?' isi tarah 'merey paas raat ka khana pakaney ka waqt nahin' ki bajaey kahein 'kya aap humein khan akhilaney ley ja saktey hain?' waghaera. 
  11. Agar aap mard sey madad tulb karti hain aur woh mana kar deta hai (mumkin hai iss ki koi ma'aqool wajah ho) magar aap iss inkaar kay bawajood usey khush dili sey qabool kar leti hain to woh aap ki mohabbat ko yaad rakhta hai aur agli martaba aap kay sath mohabbat sey paesh aaey ga. Iss kay baad jaisey hi uss sey madad maangein gi to dil khol kar aap ki zaroorat ko poora karey ga uska ravayya lachak daar ho jaey ga, iss tarah ek sehat mund rishtey ki bunyaad parey gi. Agar aap inkaar per ghussey aur tulkhi ka izhaar karein gi to woh aaenda bhi inkaar kar dega. Maangney ka sawal mukhtasir, saada aur aasaan ho agar mard ko tafseel janney ki zaroorat ho gi tab woh khud hi aap sey sawaalaat kar ley ga.
  12. Mard sey madad hasil karney ka ek aur mu'asser tariqa yeh hai kay aap uss sey madad maangein aur phir khamoshi sey intezaar karein kisi qism ki tanqeed na karein khamoshi ek taaqat hai agar aap khamoshi khatam kar deingi to aap ki taaqat bhi khatam ho jaegi le'haza madad maangney kay ba'ad khamosh rahein, mard ko sochney ka moqa dein intezaar karein ta'hum sawal kartey waqt 'naa' sunney ka hosla bhi paeda karein. 'naa' per pur sukoon rahein iss mein agli baar mian kay liye 'naa' kehna mushkil ho jaey ga aur jab woh madad ka sawal poora kardey to tehseen karein to woh dobara bhi karey ga. 
  13. Mard ko bunyadi tor per bharosey, qabooliyat, qadar shanasi, ta'areef, pasandeedgi, tayed aur hosla afzaee ki zaroorat hai  jab kay aurat ko tawajjuh/parwah, mizaj aashnaee, izzat o ahetram, ja'nisari/qurbani, tauseeq aur yaqeen dahaani ki zaroorat hai. 
  14. Har mard kay dil ki gehraiyo'n mein yeh khwahish kahin na kahin chupi hoti hai kay aurat ki zindagi mein uski haisiyat ek hero ki ho le'haza usey apna fan bananey kay liye usey yeh haisiyiat dein. 
  15. Aurton mein amooman yeh baat paee jati hai kay woh mard ki woh baatein yaad rakhein gi jo iss ne biwi kay liye nahin kiin woh iss ka izhar karti hain jis se tulkhi paeda hoti hai aur unn baton ko yaad nahin rakhti jo khawand ney uss kay liye ki hoti hain le'haza uska dil jeetney kay liye mian ki unn baton ko yaad rakhein jo uss ney aap kay liye kii hain unn ka khuley aam aetraaf karein to aap ko doosri cheezein bhi mil jaeingi. 
  16. Apney saathi per chaa janey ki koshish na karein yeh cheez mard ko bey hudd na pasand hai waisey bhi agar aap isey apna ghulam bana lein to aap bhi ghulam ki biwi kehlaein gi
  17. Apni zindagi mein sab sey zyada haisiyat aur ahmiyat apney khawand ko dein maekey aur susraal sey bhi zyada, hutta kay bachey bhi doosrey number per aaein, mian kay khilaf koi baat na sunein khusoosan manfi aur takleef deh baat, bulkay logon kay samney mian ki mudafe'at karein uski safaee paesh karein.
  18. Mian kay khilaf khud bhi koi baat na karein, khusoosan logon kay samney, khawand kay sath aap ka ravayya bohut hi shaesta ho, aeb joee na karein, uss per tanqeed na karein, uski tauheen na karein, shaestagi aur khush khalqi ka ravayya apnaein. Allah kay nabi ney uss insan ko behetreen qaraar diya hai jis ka khulq acha hai.  tursh roee, tulkh kalami, hungama aaraee, jhagraloo pan mohanbbat ko bhasam karney wali shaetaani chaalein hain ek baat zehen mein rakhein log humesha uss fard ko bura samajhtey hain jo ghaer shaesta, tursh, tulkh kalaam, bud akhlaq aur nukta cheeni karney wala ho aur unko uss shakhs sey hamdardi hoti hai jis kay sath kharab ravayya ikhtiyar kya gaya ho.
  19. Biwi ko humesha shohar ki pasand aur naa pasand ka khayal rakhna chahiyie. Khusoosan khaney mein usey kya pasand hai aur kya naa pasand. Uski pasand kay mutabiq apney aap ko purkashish banaein subah kaam per jatey waqt mian ko darwazey tak chorney aaein. Ju'nhi mian shaam ko ghar aaey to saarey kam chor kar darwazey per aaein muskurahat sey uska istaqbaal karein uss kay hath mein koi cheez ho to pakar lein. Behter hay kay aap uss waqt achey libas mein hun yani purkashish aur har buu sey paak hun usey kuch der tanhayee mein aaraam karney dein mian aap ko dil sey chahey ga aur aapki qadar karey ga.
  20. Ek research sey ma'aloom hua kay khushgawar shaadi mein mian biwi ek doosrey kay barey mein zyada ma'aloomaat rakhtey hain aap bhi mian kay barey mein zyada se zyada ma'aloomaat hasil karein. Usey kya pasand hai aur kya naa pasand, uss kay dost kon hain aur kin logon ko woh naa pasand karta hai, usey kis tarah ki kutub pasand hain, konsey khel achey lagtey hain, uska mashghala kya hai waghaera.
  21. Khawand ko ma'aloom hona chahiyie kay uski konsi cheez aap ko sab sey zyada pareshan karti hai. Ilzam na dein, tanqeed na karein bulkay pyar aur achey andaz sey bataein. Isi tarah biwi ko bhi ma'aloom hona chahiyie kay uski konsi cheez khawand ko pareshan karti hai  Agar khawand kisi wajah sey pareshan hai to uss sey poochein kya woh aapki wajah sey pareshan hai, phir uska tadaruk karein. Aksar auqaat humein ilm nahin hota kay humari konsi cheez doosron ko pareshan karti hai. Agar ilm ho jaey to phir hum uss sey bachney ki koshish kartey hain agar woh aapki wajah sey pareshan nahin to aap pursrkoon ho jaeingi aur ghar ka mahol behter hoga iska ek tareeqa yeh hai kay donon mian biwi ek ek list banaein jin mein unn cheezon ka zikr ho jo ek ko doosrey ki pasand nahin. Nehayat pur sukoon ho kar unka muta'alla karein agarcha yeh ek mushkil kam hai phir inn lists ko ghar kay sehan mein dafan kardein. Ab unn achi cheezon ki fehrist banaein jo aap ek doosrey mein talash kar saktey hain chahey woh kitni hi ma'amooli kyun na hun. Do lists banaein her ek mein aisi cheezein shamil karein jo aap ko doosrey ki pasand hain inko frame karkay bedroom mein latkaein aur rozana ek baar parhein.
  22. Mard fitri tor per tehseen, qadar shanaasi aur qadar daani chahta hai jab kay aurat tawajjah aur mohabbat chahti hai chuna'ncha mian ki tehseen kay liye mawaqa'e talash karein woh ghar kay liye koi cheez laey to uski tehseem karein mian ko bataein key uski wajah sey aap ko kitni sahoolatein mayasser hain. Uski wajah sey aap kitney logon sey behter hain, gahey gahey uski koshishon kay liye uski hosla afzaee aur tehseen karein jo woh khaandaan ki behetri kay liye kar raha hai. Baher khana khilaya to iss kay liye usey sarahein jab aap sarahney ki bajaey har waqt masa'el ka zikr karein gi to khawand mehsoos karey ga kay woh aap kay liye kuch nahin kar raha, phir woh bujh jata hai jab aurat choti choti baton kay liye khawand ko batati hai kay woh ek azeem insaan hai to phir woh choti choti cheezein karna jari rakhta hai aur woh mazeed acha banney ki koshish karta hai magar biwi ki madad kay baghaer (tehseen kay baghaer) woh la'shaoori tor per choti choti cheezein karni chor dega phir woh sari tawajjah paisa kamaney aur acha kafeel banney ki taraf mabzool kar dey ga le'haza jab woh aap kay liye choti choti cheezein karey to aap uski tehseen karein usey sarahein. Jab uski khidmaat ko saraha nahin jata to uss mein zyada deney ka jazba khatam ho jata hai agar aap ko zyada leney ki tamanna hai to aap khawand ki khidmaat ko zyada sarahein zyada hosla afzaee karein aur zyada tawajjuh aur mohabbat hasil karein.
  23. Mard ko iss baat sey nafrat hai kay woh ghalti per hai. Mard kay liye sorry kehna bohut mushkil hai, ghalti ka aetraaf karna mushkil hai le'haza aap aisi guftugoo na karein jis sey mard ko ehsaas ho kay woh ghalti per hai usey ghalat sabit karney ki koshish na karein. Yeh bhi na kahein kay koi ghalat kaam karney ki wajah se woh ek bura insaan hai bulkay iss tarah kahein kay jab woh ghalat kaam karta hai to aap udaas aur khauf zada ho jati hain aap ko dukh aur takleef pohonchi hai phir woh dukh deney wala kaam karna chor dega.
  24. 1500 shaadi shuda jorron ki ek research sey ma'aloom hua kay mardon ko aurton sey sab sey barri shikayat yeh hai kay woh bolti bohut zyada hain aur sunti nahin ek aur research sey yeh baat samney aaee hai kay mard aur aurat mizaj kay le'haz sey bilkul mukhtalif hain. Auret fitri tor per bol kar apney jazbaat ka izhar karna chahti hai jab kay mard ko aurat ka bohut zyada bolna pasand nahin ba'az mahireen ney iss silsiley mein yeh tajweez di hai kay khawand kay ghar aaney sey pehley apney behen bhaiyon aur saheliyon sey batein kar kay apna kota poora kar lein taa'kay phir unhein mian kay sath zyada baatein karney ki khwahish na ho. Mard ki tawajjah hasil karney ka behter tareeqa yeh hai kay aap guftugoo kay liye usey tayyar karein usey bataein kay usko sirf sunna hai uss ko masley ko hal nahin karna sirf sunna hai, usey bolney ki zaroorat nahin agar bolna chahey to bol sakta hai na bolney ki surat mein usey bolney kay liye sochna nahi parey ga kay kya bolna hai. Iss sey woh relax hoga aur aap ki baatein sunn lega ta'hum mian ko wazeh tor per bataein kay aap kya chahti hain usey bataein kay usey kuch kehney ki zaroorat nahin. 
  25. Mard fitri tor per kam bolta hai khusoosan jab usey koi masla darpaesh ho to woh bolna nahin chahta chuna'ncha agar khawand baat na karna chahey to usko baat karney per majboor na karein iss surat mein na sirf uss sey sawalaat na poochein bulkay agar woh baat karney per aamaada bhi ho jaey to bhi guftugoo ko multawi kar dein woh zyada pur sukoon hoga.
  26. Agar mard ghussey mein ho to biwi ko chahiyie kay woh usko moqa sey kay woh so jaey aap intezar karein hutta kay woh kuch pur sukoon ho jaey phir yeh poochein kay kya cheez usey pareshan kar rahi hai.
  27. Kabhi aisa nahin ho sakta kay mian biwi mein ranjish na ho agar ho jaey to jhagrey ko tool deney sey bachney kay liye fareeqaen waqti tor per alag ho jaein, laraee mein waqfa kar lein aap laraee ki jagah sey duur chali jaein thori der mein donon ka ghussa kum ho jaey ga.
  28. Agar kabhi mian ghussey mein cheekhey to aap jawab na dein jawab deingi to jhagra ghanton chaley ga, agar aap khamosh ho jaein gi to mian do minute sey zyada musalsal akela nahin bol sakey ga thak kar chup ho jaey ga.
  29. Agar aap ko mian ki kisi baat per ghussa hai to uska bila waasta izhar na karein iss sey ta'alluqaat mein kharaabi paeda hogi.
  30. Dunya mein koi bhi insaan kamil nahin aap ka khawand bhi nahin. Har insaan ki tarah uss mein 10 khoobiyan aur 10 khamiyan hain khawand ko inn khoobiyon aur khamiyon samaet qabool kar lein. Kyun kay koi doosra bhi kamil nahin hoga. Khawand ki khamiyon ki bajaey uski khoobiyon per nazar rakehin uski khoobiyan talash karein chahey woh ma'amooli hun iss mushq ki madad sey uski khoobiyon ko zyada pur kashish banaein.
  31. Aurat ki izzat uska khawand hai agar uss mein koi bhi khoobi nahin to phir usey chorney ka socha ja sakta hai dekha gaya hai jo aurtein kisi wajah sey mian sey alaehdgi ikhtiyar kar leti hain unki dobara shaadi hona bohut mushkil hoti hai humarey haan to pehli shaadi bhi mushkil sey hoti hai (MA pass larkiyon kay shohar matric pass hain) aisi badnaseeb aurton ki haisiyat ek do saal mein apney maekey mein nokron sey budter ho jati hai. Phir inn bachiyon ko apna wahi bura bhala ghar yaad aata hai aur pachtati hain iss waqt bohut der ho gaee hoti hai. Mein aisey crorepati logon sey aagah hun jinhon ney  amarat kay raub mein beti ko talaq dilwa kar doosri jagah shaadi ki magar woh bhi kaamyaab na ho saki aur phir talaq ho gaee.
  32. Donon mian biwi ek ek kaghaz lein iss per ek doosrey ki teen khoobiyan/ khusoosiyaat likhein maslan mujhey aap ka tahammul aur burdbaari pasand hai waghaera phir kaghaz badal lein yeh dil jeetney ka ek mu'asser tareeqa hai.
  33. Logon kay samney apney mian ki ta'areef karein mian ka dil jeetney ka yeh ek mu'asser tariqa hai. Yeh alaehdgi mein ta'areef karney sey 3 guna zyada mu'asser hai. Ta'areef mein mubaaligha karein iss surat mein khawand apney aap ko mazeed behter bananey ki koshish karey ga.
  34. Jab mard aurat ko kisi dukh dard mein dekhta hai amooman apney aap ko iss ka zimm e daar samajhta hai phir usko ghussa aata hai iss masley ka hull yeh hai jab aap pareshan hun to khawand ko theek theek bataein kay aap kya chahti hain jab aap kay khawand ko ilm ho gaya key woh aap kay liye kya kar sakta hai to woh amooman khushi sey karey ga, maslan aap keh sakti hain kay mein kisi wajah sey pareshaan hun, soney sey pehley aap sey baat karna chahti hun mujhey ilm hai kay aap thakey huey hain, mein sirf 5 minute lungi aap sunn leingey, hosla deingey to mein pursukoon ho jaungi ta'hum apni pareshani mein mubaaligha na karein kyun kay khawand waisa hi samajh ley ga aur zyada pareshan ho ga. Khawand kay ghar aatey hi masa'el ko na cherein bulkay uss waqt cherein jab woh kuch aaraam kar kay pursukoon ho chuka ho.
  35. Jab mard koi baat kar raha ho, apney aap ko beyan kar raha ho to aap madaakhlat na karein, baghaer madakhlat kay uski baat sunney ki koshish karein kay jo kuch woh kehna chahta hai keh ley. Khawand ko suntey waqt usko chuna, uss kay qareeb bethna, uska hath pakarna usey acha lagta hai, iss sey usey qurbat ka ehsaas hota hai.
  36. Khawand ko waisa hi samajh kar sulook karein jaisa kay aap usey chahti hain kay woh ho. Burey ko bar bar acha keh kar usey acha banney ka moqa dein. Burey ko bura kaheingi to woh kabhi bhi acha banney ki koshish na karey ga. Aap samjhein key woh acha hai maslan usko ghussa bohut aata hai to usey bataein kay aap ko yeh dekh kar bohut khushi hai kay ab usey ghussa kam aata hai aur woh control kar leta hai bar bar kahein yaqeen karein kay phir woh aisa hi karey ga.
  37. Apney susraal walon ko wahi izzat-o-ahetram dein jo aap apney walaeden kay liye apney mian sey mutawaqqa rakhti hain unko waqaee apney walaeden samjhein apney walaeden ki tarah unki karrwii baatein bardasht karein budkalaami na karein. Saas bhi apni bahoo kay sath wahi ravayya ikhtiyar karey jo woh apni beti kay liye chahti hai. Hazrat Muhammad ka irshad hai koi banda uss waqt tak momin nahin ho sakta jab tak woh apney bhaee kay liye wahi pasand na karey jo woh apney liye pasand karta hai.(bukhari) Allah aur uss kay rasool ney ta'an-o-tashnee karney walon ko sukht waeed ki basharat di hai le'haza saas ko chahiyie kay woh bahoo aur uss kay maekey walon ko ta'an-o-tashnee aur tamaskhur ka nishana na banaey.
  38. Bahoo koshish karey kay uska khawand apney walaeden ka tabaedaar aur unka khayal rakhney wala beta baney kal uska apna beta bhi uska tabaedaar hoga kyun kay bachey apney walaeden ko role model banatey hain aur unn jaisa hi bantey hain. Jis tarah woh apney walid ko walaeden kay sath barta'u kartey dekhtey hain, barey ho kar woh la'shaoori tor per apney walaeden sey wahi sulook kartey hain le'haza saas susar kay liye nahin bulkay apney liye apney mian ko uss kay walaeden sey duur karney ki ghatya koshish na karein ta'kay kal aap ka apna beta aap ka tabaedaar beta baney yani susraal walon sey wahi sulook karein jo aap apney betey sey apney liye tawaqqa karti hain.
  39. Maghrib mein gharelu jhagro'm aur talaq ki bari wajah aurat ka mulazimat karna hai job kartey huey aurat ko mardana kirdaar ada karna parrta hai kyun kay kaam per iss cheez ki zaroorat hoti hai kay woh mardana ravayya ikhtiyar karey jab woh ghar aati hai to usey zanana kirdaar ada karna hota hai, Ba'az auqaat woh in donon kay darmiyan tawazun paeda nahin kar sakti jis ki wajah sey ghar intishaar ka shikar ho jata hai waisey jab donon mian biwi mulazimat karein to donon ko ek tarah kay masa'el ka saamna hota hai. Iss surat mein koi sahara deney wala nahin hota ab ghar aa kar mian ko zyada sukoon-o-aaraam nahin milta jiski wajah sey woh biwi ko bharpoor tawajja aur mohabbat nahin dey pata, jab kay mulazimat paesha aurat ko ghar mein rehney wali aurat ki nisbat zyada tawajja ki zaroorat hoti hai. Jab biwi job karti hai aur paisey kamati hai to fitri tor per uska ravayya badal jata hai ab woh apney aap ko zyada khud mukhtar samajhti hai jis ki wajah sey amooman mian ko adjustment ka masla ho jata hai.
  40. Ba'az auqaat biwi ko mian ki koi cheez maslan aadat pareshan karti hai kisi wajah sey mian ko nahin bata sakti ya mian iss ko nahin badal sakta aap uss ki ahmiyat kam kar kay pursukoon ho sakti hain iss kay liye yeh mushq karein yeh mushq bahoo saas kay liye aur saas bahoo kay liye bhi istaemaal kar sakti hai.  
  41. Zindagi ranjishon aur tuu takaar sey kabhi free nahin ho sakti ba'az auqaat guzrey huey naa pasandeeda waqeaat saalon ba'ad bhi insaan ko pareshan kartey hain inn naa pasandeeda waqeaat kay asraat ko aap aasani sey khatam kar sakti hain.
  42. Ba'az auqaat mian biwi ya saas bahoo mein kisi baat per ikhtilaaf ho jata hai to phir tuu takaar hoti hai (behter to yehi hai kay ghar mein khushgawar mahol ko qayem rakhney kay liye ma'amooli ikhtilaf-e-ra'ey ko nazar andaz karein) iss surat e haal mein har fard apney nukta-e-nazar ko durust samajhta hai aur doosrey kay nukta e nazar ko samajhney ki koshish nahin karta. Ba'az auqaat humara nukta e nazar durust nahin hota magar humein ehsaas nahin hota agar hum iss ma'amley ko doosrey kay nukta-e-nazar sey dekhein to humein ehsaas hoga kay unn ka nukta-e-nazar bhi ghalat nahin doosrey kay nukta-e-nazar ko janney kay liye mandarja zael mushq sey faeda uthaya ja sakta hai.
  43. Apney susraal walon kay dil jeetein yaqeen karein kay har insaan ka dil jeeta ja sakta hai apni saas susar sey isi tarah mohabbat kijiyie jaisey apney walaeden sey mohabbat karti hain inn mein dilchaspi lein uss ki khidmat kay liye har waqt tayyar rahein nihayat zinda dili aur josh-o-kharosh sey unki mizaj pursi karein. Inn mein sachey dil sey dilchaspi lein.
    Aap kay chehrey pey muskuraahat ho saas sey muskuratey chehrey sey milein hans mukh banney ki koshish karein har waqt chehrey per muskurahat ho iss sey na sirf mian bulkay susraal kay sab hi log bohut khush hongey. Allah kay nabi ney muskurahat ko sadqa qaraar diya hai. Saas susar ko muskuratey huey salam karein, nukta cheeni aur aeb joee kay bajaey unki ta'aref-o-tehseen kijiyie. Apni zarooraton ka zikr chor dein bulkay doosron kay nukta-e-nazar ko samajhney ki koshish karein. Huns mukh insaan ko har jagah khush aamdeed kaha jata hai aaj sey taey karein aap ney Allah kay Rasool ki iss sunnat aur farmaan pey amal karna hai. 
    Saas susar ki baton mein dilchaspi lein jab woh baat kar rahey hun to poori tawajjah se inki baat ko sunein aisey sawalaat kijiyie jin ka jawab detey waqt unko khushi ho  Unhein apni zaat aur kaarnamo'n sey muta'alliq baatein karney per uksaaein yaad rakhein aap ka mukhatib aap kay masa'el ki nisbat apney masa'el, apni zarooriyat aur apni zaat mein hazar darja dilchaspi rakhta hai chuna'ncha unki baatein tawajjah sey sunein. Unhein unn kay apney muta'alliq baatein karney per uksaaein aur ubharein. Unn kay pasandeeda mozouaat per baat karein aisey mozouaat jin mein unko khaas dilchaspi ho yani unki dilchaspi ki baatein karein. 
                                   Apni saas susar mein ahmiyat ka ehsaas paeda karein insaani fitrat ki sab sey bunyaadi khwahish apni zaat ko ahmiyat dena hai insaani fitrat ka sab sey gehra usool tehseen-o-ta'areef ki khwahish hai doosron kay sath wahi sulook karein jaisey sulook ki aap unn sey tawaqqa karti hain. Ji bhar kar unn ko daad dein dil khol kar ta'areef karein har shakhs apney aap ko bara bulkay bohut bara tasawwur karta hai har insaan mein kuch khoobiyan zaroor hoti hain unn kay ander unn khoobiyon ko talash karein phir eemaan daari kay sath jii bhar kar unki ta'areef karein, khuley aam daad dein logon kay samney ta'areef teen guna zyada mu'asser hoti hai. Humesha saas susar kay saamney unki zaat kay baarey mein guftugoo karein woh ghanton musalsal aap ki baatein sunein gi chuna'ncha unn ko ehmiyat ka ehsaas dilaein, dil sey unn ki ta'areef karein agar aap inn baton per amal karein gi to aap apney susraal mein sab sey pasandeeda shakhsiyat hongi.
  44. Mard bunyaadi tor per aurat kay husn ka matwala hota hai ta'hum agar biwi bohut haseen hai magar uss kay sath bud khoo, nuk charhi, ehsaas-e-bartari ka shikaar, bud tameez, jhagralu hai to jald hi mian na sirf uss sey bey zaar ho jaey ga bulkay nafrat karney lagey ga.  Aurat ka asal husn uska ikhlaaq hai jis mein har roz izafa hota hai doosri taraf jismaani husn har roz maand parrta hai.
  45. Khushgawar gharelu zindagi kay liye zaroori hai kay biwi apney gharelu masa'el aur jhagron ka zikr apney maekey mein na karey. Inn masa'el kay hal kay liye apney walaeden ko shamil na karey maekay kay shamil honey sey masa'el hull honey ko bajaey mazeed ulajh jatey hain. Le'haza masa'el ko apney aap tak mehdood rakhein mian kay sath mil kar unko hull karney ki koshish karein ta'hum intihaee surton mein donon khandaanon kay samajh daar afraad ko shamil kya ja sakta hai.
  46. Biwi khawand ki kisi khaami ka mazaq na uraaey, usey sharamsaar aur barhum na karey ek baat ko bar bar na duhraey, inn sab cheezon sey haalaat humesha kharab hotey hain.
  47. Chu'nkay fitri tor per mardon kay jazbaat ba zarya basaarat mushta'el hotey hain le'haza woh har khoobsurat cheez ko dekh kar uski taraf mutawajjah ho jatey hain aur usey tajassus ki nigaah sey dekhtey hain isi tarah agar usey koi khoobsurat aurat nazar aaey gi to woh usey tajassus ki nigaah sey dekhey ga (islam mein mardon ko nigaah neechi rakhney ka hukum hai) amooman biwiyan iss cheez per hungama khara kar deti hain. Isey woh apni tauheen samajhti hain aur khawand ko bura khayal karti hain hala'n kay yeh aksar auqaat tajassus ki nigah hoti hai na kay buri, le'haza iss silsiley mein biwiyon ko surf-e-nazar karna chahiyie na kay tu takaar aur hungama aaraee.
  48. Apney khawand kay samney kisi doosrey mard aur aurat ki khusoosan unn kay husn ki ta'areef na karein yeh amal mian biwi kay ta'alluqaat ko kharab karney ki ek ahem wajah hai.
  49. Islam mein aulaad ko hukum diya gaya hai kay woh apney waleaden sey behetreen sulook karein. Irshaad-e-Baari Ta'ala hai "Maan baap kay sath ehsaan kya karo" (Al Inaam - 152) doosri jagah irshaad hai "Maan baap kay sath husn-e-sulook kya karo agar terey paas inn mein sey ek ya donon burhapey ko pohonch jaein so inko kabhi uff bhi mutt kehna aur na unko jhirakna unn sey khoob adab sey baat karna aur unn kay saamney aajizi aur inkisari kay sath jhukey rehna aur yun duaa kartey rehna kay aey merey parwardigaar inn donon per rehmat farmayie jaisa kay mohabbat sey unhon ney mujh ko bachpan mein paala". (Baniisraeel – 22,23)
ALLAH kay nabi ka irshaad hai kay Maan baap ko sataney waley ko ALLAH Ta'ala isi dunya mein saza detey hain. Doosri jagah Huzoor ney farmaya kay barey barey gunaah yeh hain.

  • ALLAH Ta'ala kay sath shareek karna
  • Maan baap ki nafarmani karna
  • Kisi jaan ko qatal karna
  • Jhoot bolna

Chuna'ncha shirk kay ba'ad sab sey bara gunaah walaeden ki nafarmaani hai. (muslim) ta'hum inn ki wajah sey bhi Khuda ki nafarmani kisi bhi surat mein ja'ez nahin. Ek sahaabi ney Huzoor sey arz kya Ya Rasool Allah walaeden kay aulaad per kya huq hain? Aap ney farmaya kay woh donon teri jannat aur jahannum hain. (ibn-e-maja) yani agar fard unki ta bedaari karey ga to jannat mein jaey ga aur naa farmani karey ga aur unko dukh dega to dozakh thikana baney gi.  Le'haza biwi ko chahiyie kay woh apney khawand ko dunya aur aakhirat kay azaab sey bachaey lekin agar khawand biwi ki wajah sey walaeden sey bura sulook karta hai to phir biwi bhi mian kay gunaah mein baraber ki shareek hogi aur jahannum ka aendhan bahey gi. Khawand ki ma'amooli ghaltiyon aur kotahiyon sey darguzar karein ma'amooli baton per ghussey aur naraazgi ka izhar na karein maslan mian geela toliya bathroom mein chor aata hai ya apney kaprey ikatthey nahin karta naeki samajh kar yeh kaam khud kar lein aur sath hi sochein kay woh aap kay liye kya kuch kar raha hai. Har insaan khoobiyon aur khamiyon ka majmoo'aa hota hai agar aap apney mian ki kisi ghalti, kotaahi ya kamzori waghaera sey aagaah hain to iss bunyaad per usey la'an, ta'an aur sharminda na karein iss sey na sirf ta'alluqaat kharab hotey hain bulkay la'an, ta'an karney wala fard Allah Ta'ala ko sukht naa pasand hai. Kabhi bhi mian ki baat ka ghalat matlab na nikalein uss sey husn e zan rakhein, agar shak ho to mian sey sukoon sey poochein kay fula'n baat sey uska kya matlab tha.



Gharelu jhagron ki ek bari wajah doosrey ki baat sey ghalat mafhoom aur matlab nikalna hai doosrey fard kay saan o gumaan mein bhi nahin hota. Agar mian ki koi cheez aap ko disturb kar rahi hai to usey nazar andaz na karein bulkay pehli pursukoon fursat mein uss sey achey andaaz mein baat karein, tanqeed na karein, uss kay sath discuss karein aur achey andaaz sey hal karney ki koshish karein. Humarey haan mardon ki azeem aksaryat private sector mein kaam karti hai ya to woh kisi private idaarey mein kaam kartey hain ya phir apna kaam kartey hain.  In donon surton mein unhein aam logon sey zyada kaam karna parta hai kaam kay ikhtitaam per jab woh gharon ko lottey hain to woh zehni aur jismaani tor per thak kar choor ho chukey hotey hain. Iss surat mein unhein ghanta, derh ghanta tanhaee mein aaraam ki zaroorat hoti hai ta'kay woh family ko waqt deney, gharelu masa'el sunney aur hull karney kay liye taaza dum ho sakein le'haza aap ko chahiyie kay kaam sey wapsi per mian ko kuch der aaraam karney dein ta'kay woh fresh ho sakey aur aap ki batein zyada tawajjah kay sath sunn sakey.  Ta'hum khawateen sey darkhwast hai kay apney tajurbaat ki roshni mein humein bataein kay gharelu zindagi ko khushgawar bananey kay liye khawand ko kya karna chahiyie. Shaadi sey pehley khawand apney doston ki sohbat sey lutfandoz hota hai shaadi kay ba'ad bhi woh inki sohbat mein waqt guzarna chahta hai iss sey usey sukoon milta hai aap iss ka bura na manaein, rukawat na daalein, khawand ko doston ki sohbat sey lutfandoz honay ka moqa dey kar relax honey dein woh relax hoga to aap ko zyada tawajjuh dey sakey ga.

ADUMINZAL (RETATDED EJACULATION)


ADUMINZAL (RETARDED EJACULATION)


sex education in urdu 

Aduminzal (retarded ejaculation) ka masla agarcha bohut kam hai magar kuch log iss ka shikar hain iss mein mard biwi ki faraj kay ander manzil nahin hota inn mein sey bohut sey log doosrey fard ki mush tzani sey inzal hasil kar letey hain kuch doosrey oral sex sey, merey ek mareez ko ahetlaam hota tha yani sotey mein uska inzaal ho jata magar mubashrat mein woh manzil na hota. Iss masley ki kaee wajoohaat hain iss ki aksar wajoohaat nafsiyati hoti hain maslan sex ko bura samajhna, biwi kay haamla honay ka shaoori ya la shaoori khauf, biwi mein kam dilchaspi rakhna ya uss sey nafrat karna waghaera.

Naujawan 'B' ki shaadi hui magar woh kaee saal tak mubashrat kay doran manzil na hua nafsiyati tajziye sey ma'aloom hua kay naujawani mein ek din woh chup kar khud lazzati kar raha tha kay walaeden ney usey yeh kaam kartey huey dekh liya chu'nkay woh iss kaam ko bohut hi bura aur sehat kay liye nuqsaan deh samjhtey thay le'haza unhon ney usko khoob maara ta'kay woh aa'enda aisi harkat na karey uss kay ba'ad sey usey yeh masla paeda ho gaya.


RETARDED EJACULATION TREATMENT

  Retarded ejaculation kay hal mein bhi biwi ka kirdaar bohut ahem hai biwi ki madad sey isey aasani sey hal kya ja sakta hai retarded ejaculation kay hal kay liye mandarja zael mushq rozana ki jaey iss kay liye kam az kam aadha ghanta mukhtas kiya jaey mushq uss waqt ki jaey jab donon khusoosan mian bohut pursukoon hun. Pehley do din sirf foreplay kya jaey teesrey din biwi khawand kay pasandeeda tariqey sey apney chikney hath sey uss kay zakar ko mushta'el karey iss ka maqsad yeh hota hai kay mard kisi bhi tariqey sey ek baar inzal hasil karley, dobara inzal hasil karna aasan ho jata hai. Jaldi na kii jaey ba'az auqaat iss mushq kay zaryay inzal hasil karney mein kaee din lag jatey hain jab mard ek baar aurat kay qareeb inzal hasil karley to woh mian ki ta'areef karey jab yeh tariqa kamyaab ho aur khawand kaee baar iss tariqey sey manzil ho chuka ho to agla qadam mubashrat ka ho ga. Biwi khawand kay zakar ko bharpoor andaz sey mushta'el karey jab woh inzal kay bilkul qareeb pohonch jaey to woh biwi ko ishara karey ya bataey aur khud pusht kay bull laet jaey, taangein seedhi, biwi malika ki tarah donon taangein uss kay donon taraf kar kay uss kay ooper beth jaey aur thora sa aagey ko jhukk kar zakar ko faraj mein daakhil karey aur phir ooper neechey stroke lagaey aur sath sath uss kay zakar aur khusyon ko hath se mushta'el karey, hatta kay woh inzal hasil kar ley aur agar khawand kafi der ba'ad bhi manzil na ho to biwi neechey utrey aur phir hath se zakar ko mushta'el karey aur inzal kay qareeb khawand kay ooper beth kar phir zakar ko faraj mein daakhil karney kay ba'ad ooper neechey stroke lagaey, sath hi us kay khusyon aur zakar ko bhi hath se mushtae'l karti rahey, hatta kay khawand faraj kay ander manzil ho jaey chahey ek do qatrey hi kyun na hun inn chund qatron ko bhi kamyaabi samjha jaey ga biwi khawand ki mardana quwwat ki ta'areef karey iss tarah jab mard ek do baar inzal hasil kar ley to ab mubashrat ko lamba karney ki koshish ki jaey ta'kay biwi bhi orgasm hasil kar ley iss surat mein biwi khawand ko ma'amooli mushta'el karey gi aur dakhool inzal se kafi der pehley hoga behter hai kay biwi pehlay orgasm hasil karley aur mard ba'ad mein manzil ho.

MARDANA TAQAT MAIN EZAFA


MARDANA TAQAT MAIN EZAFA

Taqreeban har fard mardana taqat main ezafa chahta hai. Hakeem iss hawaley sey khususi course use karney ki sifarish kartey hain. Jis ki koi haqeeqat nahi. Mardana quwwat kay liye achi zehni aur jismani sehat zaroori hai. Iss tarhan achi zehni aur jismani sehat kay liye bhar poor sex ki zaroorat hai. Agar fard zehni aur jismani lehaz sey sehat mand ho to woh last time tak jinsi amal kay qabil hota hai. Achi jinsi sehat kay liye aap ko shaori koshish karna hogi.

Bharpoor jinsi sehat aur sex power (mardana quwwat) kay liye mandarjazail baaton per amal karein.



1. FOOD (KHURAAK):

Hamesha mutawazin aur kam khoorak khaya karein. Allah Ta'ala kay Nabi Hazrat Muhammad (P.B.U.H) ka irshad hai kay kabhi paet bhar kar khanaa naa khaya jaey. Khoorak kam chiknaa (Low Fat) wali ho. Amoomi sehat kay liye taza vegetables aur fruits mufeed hain. Balaee nikla milk aur mukammal eggs kay bajaey sirf iss ki safaidi li jaey. Gosht mein chicken ziyada mufeed hai. Iss kay elawa vitamin C, D aur E ka baqaida use kiya jaey. Cholestrol aur Friglyceride ko barhney naa dein.



2. NOT TO BE FAT (WAZAN KAM RAKHAIN):

Koshish karein ka aap ka wazan ziyada naa ho. Ziyada wazan amomi sehat kay elawa jinsi sehat kay liye bhi nuqsandey hai. Motapa ki wajah sey sperm mar jaatey hain aur mardanaa quwat mein kami ajaati hai.

3. NO SMOKING:

Cigarette noshi (smoking) sey mukammal perhaiz karein. Yeh tanau (erection) ki bohut bari dushman hai. Iss sey amomi sehat kay elawa tanau (erection) aur mardana quwwat (sexuality) bhi muta'assir hoti hai. Iss sey blood ki naaliyen tang hojaati hain jis ki wajah sey yeh to tanau (erection) hota hi nahi yeh kam hota hai. Iss kay elawa Cigarette noshi (smoking) sey zakar ki lambai bhi kam ho jati hai. Jinsi harmone (sexual hormone) testosterone ki paidawar mein kami hojaati hai jis ki wajah sey naa mardi (impotency) ki khatra dugnaa hojata hai. Cigarette chornay kay 2 sey 12 weeks kay ander har cheez normal hojaati hai. Cigarette noshi sperm ki count ko bhi kam karti hai. Mani (semen) ki miqdar kam ho jati hai. Iss ki wajah sey khusyon mein infection aur paet etc bhar jata hai jis sey early inzal ka masla bhi paida hojata hai.



4. SHARAB (ALCOHOL):

 Jadeed research sey maloom hua hai ka Cigarette noshi (smoking) kay saath saath sharab noshi bhi mardanaa quwat ko kam karti hai.  Iss sey khusyon shrink hojaatey hain, jinsi harmone testosterone ki paidawar mein kami hojaati hai. Majmoi tor per sharab noshi tanau (erection), inzal aur orgasm ko mu'nhnfi tor per muta'assir karti hai.

5. STRESS (ZEHNI DABAO YA PARESHANI):

Gharelu, office aur mali pareshaniyan sexuality (mardana quwwat) ko bhi ziyada muta'assir karti hain. Agar aap ek lamba arsa stress ka shikar rehtey hain to iss sey blood ki naaliyen shrink hojaati hai. Khusyon zakar ko blood deynay wali naaliyen bhi shrink hojaati hain jis sey tanau (erection) ka masla paida hojata hai. Musalsal zehni dabau (stress) aur tension ki wajah sey sperm bhi mar jaatey hain jis ki wajah sey aulad paida hona mushkil hojata hai.

TREATMENT OF STRESS


  1. Bharpoor sexuality (mardana quwwat) kay liye apney stress (zehni dabau) ko kam kar kay relax rahein iss kay kaee tareeqey hain.
  2. Apni hobby sey bharpoor lutf andooz hun. Baqaida warzish bhi jismani tanaao ko kam kar kay fard ko pursukon banaaati hai.
  3. Pusht kay bal bister per laet jaein, taangein samaet lein, knees kharey hun, donon hath paet kay ooper rakhein. Paet sey lamba saans lein, thori der kay liye rukein phir chordein. Last mein thori der eyes band rakhein. Sans nikaltey waqt kahain "relax" kuch month ki mushq kay baad aap sirf "relax" keh kar pursukoon hojaya karein gey. Yeh mushq rozanaa kisi bhi waqt 20 minute kay liye karein. Iss sey blood pressure bhi kam hojata hai yeh mushq khanay kay 2 hours kay ander naa ki jaey. Isey beth kar bhi kiya ja sakta hai.

  4. Doosri mushq iss tarhan sey karein ka ek lamba sans leyn, isey 2 sec kay liye rok leyn. Phir isey zor sey iss tarhan kharij karein jaisey aap nay apni 99 birth day per 99 candles ko ek hi phunk mein bhujanaa hai. 10 minute ya mushq karein iss sey aap ka zehni dabau (stress) bohut kam hojaeyga aur aap pursukoon mehsoos karein gai
  5. Zehni dabau (stress) ko khatam karney kay liye zor zor sey hansein. Iss kay liye comedy dramas aur films dekhein. Comedy books aur jokes read karian.
  6. Kisi achey dost ka selection karein, jis kay sath aap apney tamam problems per guftugoo kar sakein. Apney dukh sukh isey baatein takay woh aap ko sahara dey sakay.
  7. Nasazgar halat ko badalney ki koshish karein. Agar aap halat ko naa badal sakein to Allah Ta'ala ki raza samajh kar qubool karein. "jo cheez pasand hai ussey hasil karlein ya phir jo hasil ho jaey ussey pasand karlein to aap pur sukoon ho jaein gey.
  8. Apney ghussey ko dabaey na rakhein bul kay iss ka izhar karein. Akeley room mein cheekhein, chillaein, apney doston sey ghussey ka zikar karein. Tasawwur mein mutaaliqa fard per ghussa nikalein. Iss fard ko ghussey wala letter likhein. Iss mein har cheez likhein jo aap kehna chahtey hain magar keh nahi saktey. Letter ko read karein aur pharr dein. Letter mutaaliqa fard ko nahi dena. Aap pursukoon ho jaein gey.
  9. Apney masa'el ko hal karna seekhein. Agar inn ko hal na kar sakein to phir aap inn ki ahmiyat kam kardein. Ta'kay woh aap ko pareshan naa karein. Iss kay liye mushq last baab mein mojood hai.

6. DRUGS (MUNSHIYAT):

Manshiyat sey mukammal perhaiz karein. En mein kuch brain ko senseless kar kay mubaashirat (intercourse) kay waqt ko taweel karti hain. Magar kuch arsey baad yeh mardana quwwat (sexuality) ko kamzor bul kay khatam kar deti hain jis ki wajah sey fard ko tanau (erection) nahi hota ya mukammal nahi hota jis ki wajah sey jinsi amal naa mumkin hojata hai. 



7. INCREASING TESTOSTERONE:

Duniya mein har fard mardanaa quwwat mein ezafa chata hai mard ki jinsi khuwahish aur mardana quwwat ka ta'alluq jinsi hormone testosterone kay sath hai. 20 year ki umar kay baad iss mein mamooli kami honay lagti hai. Jis ki wajah sey fard ko 20 year ki umar kay baad 20 year ki tarhan tanau (erection) nahi hota. Testosterone ki paidawar ki yeh kami sari umar jari rehti hai. 80 saal ki umar kay baad iss hormone ki paidawar mein 66% tak kami waqai hojaati hai. Tahem iss jinsi hormone ki paidawar ko kisi had tak barqarar rakha ja sakta hai. Iss kay liye madnarja zail baaton per amal karein.

MANDARJA ZAIL TARIQON SE TESTOSTERONE KI PAIDAWAR KO BARQARAR RAKHA JA SAKTA HAI


A. EXERCISE (WERZISH):

Warzish (exercise) khusoosan jumping wali warzish iss jinsi hormone Testosterone ki paidawar kay liye bey hud mufeed hai. Iss tarhan ki warzish jinsi hormone ki paidawar mein ezafa karti hai. Jumping warzish (exercise) like running, jogging, swimming, football, hockey, tennis etc jism mein blood ki rotaation ko tez karti hain. Iss sey zakar kay tanau (erection) wali naaliyon mein bhi ziyada blood jata hai. Exercise (Warzish) kam az kam 20 minute ki ho aur week mein kam az kam 4 times ki jaey yeh 30 minute ki ho aur week mein kam az kam 3 time ki jaey. Exercise ka baqaida program banay. Baqaida program warzish jinsi sehat kay elawa jismani sehat kay liye bhi bey hud mufeed hai. Burhapey mein tez chullnaa, table tennis aur snooker etc khaili ja sakti hai. Tahem agar bohut ziyada (exercise) warzish ki jaey to yeh bhi jinsi sehat kay liye nuqsandeh hai.  Iss sey jinsi hormone ki paidawar mein kami ajaati hai, sperm mar jaatey hain aur ziyada thakawat ki wajah sey fard sex mein dilchaspi kho deta hai.


B. VITAMINS:

Vitamin C aur E jinsi hormone mein ezafa kar tai hain, apni khurak mein vitamin C aur E ka khususi ahtemam karein aur rozana kafi miqdaar mein use karein. Vitamin C ki kafi miqdaar fruits like grap fruits, orangiss, maltai, lemon mein sab sey ziyada amrood mein, potatos, sakar qandi, moli, gajar, tumatoiss, tarbooz aur gobi mein paya jata hai. vitamin E anaaj, daleyn, gosht, fish, dahi aur sabziyan mein wafer miqdar mein paya jata hai. Amomi achi sehat kay liye vitamin D bhi zaroori hai jo egg, makhan aur mil mein paya jata hai. Yeh dhoop sey bhi hasil hota hai.

C. KEGEL MUSHQ:

Kegel Mushq jis ka pechai zikar ho chukka hai ko baqaida kartey rahein . Iss warzish karney ki tarhan zindagi ka ek hissa banaaleyn. Yeh mushq tanau (erection) ko behtar karti hai aur orgasm kay lutf ko bohut ziyada kar deti hai. Yeh donon mian biwi kay liye mufeed hai.

D. CALORIES:


Rozanaa kafi miqdaar mein Calories leyn. Agar khurak mein Calories ki miqdar kam hogi to iss sey testosteroneki paidawar bhi kam hojaati hai. 

E. PROTEIN:

Aap ki khurak mein Protein kafi miqdaar mein shamil ho. Aap ko apney weight kay lehaz sey Protein ki ek khas miqdaar ki zaroorat hai ek fard ko 0.8 sey 1,5 gm Protein fi kg ki zaroorat hai. Yeh hamein gosht, eggs, milk, daleyn, mator, lobiya, soyabeans aur roti mein wafir miqdaar mein milti hai. Iss kay elawa kuch khano ko mila kar khanay sey maslan Anaaj aur milk, fruit aur fish aur roti ya khanaa khanay kay doran mein milk pe kar bhi hasil ki ja sakti hai.

F. SUNLIGHT (DHOOP):

Dhoop vitamin-D ka sab se acha zariya hai. Or jinsi hormone mein izafa bhi karti hai. lekin bohut ziyada dhoop bhi sehat kay liye nuqsandey hai.

ACK OF ORGASM (BIWI K JINSI MASAIL MAIN KHAWAND KA KIRDAR)


BIWI K JINSI MASAIL MAIN KHAWAND KA KIRDAR

Aurat ki jinsi intiha e lazzat orgasm (sexual pleasure) kehlati hai. Agarcha jinsi sukoon aur lazzat ka orgasm kay sath gehra ta'alluq hai magar aurat ka har bar orgasm hasil karna zaroori nahi, kyun kay bohut si aurtein baghari orgasm hasil kiya bhi jinsi tor per mutmain hojati hain. En kay liye mian ka touch aur iss kay saath baghull geer aur ham aghoosh hona aur lepatnaa etc bhi sukoon ka bais hota hai. Ek research sey maloom hua ka woh aurat jo 50% bar orgasm hasil karleytin hain en ki zindagi khushgawar hai. Doosri taraf bohut si aisi khawateen jo hamissha orgasm hasil karti hain woh jinsi tor per puri tarhan mutmainn nahi. Bohut si aurtein shadi kay pehley year orgasm (sexual pleasure) hasil nahi kar paati. Tahem maahireen ka khayal hai ka agar aurat kay jism mein koi kharabi naa ho ( jo bohto kam hoti hai) to har aurat orgasm hasil karna sekh sakti hai. Agarcha aurat ko har bar orgasm ki zaroorat nahi , lekin agar foreplay kay doran mein jinsi lehaz sey bohut ziyada stimulation kay baad aurat orgasm hasil naa kar sakay to baaz aurtein shadeed takleef mehsoos karti hain aur en ko normal honay mein 2 to 3 hours lag jaatey hain. Aisi aurton kay ghumrahi kay kafi emkanaat hotey hain. Aurat kay orgasm kay hasool mein mian ahem kirdar ada kar sakta hai.

HUSBAND KO KIA KARNA CHAHIYE:

Donon mian biwi kaprai utarleyn. Aap dewar ya bed ki back kay saath taik laga kar beth jaeyn aap ki taangein saamney ko phaili hui hun. Biwi aap ki taangon kay darmiyan iss tarhan bethey kay iss ka sir aap kay seeney per ho. Biwi ki donon taangein aap ki taangein kay ooper hun. Ab aap iss kay jism per hath phaerein aur biwi ki rehnumaee aur hidayat kay mutabiq iss ki rano kay androoni hisson, baerooni lips, faraj aur bazer (clitoris) ko mushta'el karein. Dabao aur frequency kay liye biwi aap ki rehnumaee karey. Kuch days kay baad biwi bazer (clitoris) kay musalsal stimulation sey orgasm hasil karleti hai. Chath bar iss tarhan orgasm hasil karney kay baad agla qadam mubashrat (intercourse) hoga. Aap pehley ki tarhan biwi ko khoob mushta'el karein, jab woh orgasm hasil karney kay bilkul qareeb phoch jaey to malka ki tarhan aap kay ooper beth jaey, dakhool kay baad tez sey ooper neechey harkat karey aur apney sareen (hips) ko mukhtasir andaaz sey harkat dey maslan aagey peechey ya chakkar ki soorat mein. Woh apney bazer (clitoris) ko aap kay zakar kay saath rub karey. Neechey sey aap bhi strokes lagain, iss kay saath chikni fingers sey biwi ki bazer (clitoris) ko bhi mushta'el kartey rahein hutta ka woh orgasm hasil karley, Iss maqsad kay hasool mein kay weeks lag saktey hain. Pracitce kay doran mein amomi mubashrat (intercourse) sey mukammal perhaiz karein. Yeh mushq rozanaa 30 to 40 minute kay liye ki jaey.

VAGINISMUS:

Vaginismus mein aurat ki faraj kay entrance kay muscles ghaer iradi tor per shrink kar jaatey hain jis ki wajah sey dakhool naamumkin hojata hai. Aisi aurtein jinsi lehaz sey bilkul normal hoti hain. Foreplay sey khoob lutf andooz hoti hain. Magar jonhi dakhool ka waqt ata hai to woh shadeed khauf ka shikar hojaati hain aur faraj ka mu'nh band ho jata hai. Vaginismus ki ziyada tar wajoohat nafsiyaati aur kabhi kabhar jismani bhi hoti hain. Yeh beemari bohut kam hai. Merey paas abhi tak iss tarhan kay sirf 3 case aaey hain. Ek couple ki shadi ko 7 saal ho chukay thay magar abhi tak mubashrat (intercourse) nahi ho saki. Iss ka elaj jari hai.

TREATMENT OF VAGINISMUS:

Vaginismus kay elaj mein mian bohut madadgar sabit hota hai agar biwi ko bohut ziyada khauf nahi to yeh tareeqa amooman kamiyab rehta hai. Iss mushq kay liye 30 minute ka pursukoon waqt chahiyie hota hai. Yeh mushq ek day mein 3 time ki ja sakti hai. Iss tarhan iss masleyper jald qabo paya ja sakta hai. Yeh mushq kisi pursukoon jagah ki jaey. Pehley foreplay ki madad sey biwi ki jazbaat ko ubhara jaey. Iss mushq mein bazer (clitoris) ko mushta'el naa kiya jaey iss sey faraj ka mu'nhn mazeed tang hojata hai. Mushq kay liye biwi aram sey leyt jaey yeh beth jaey. 3 lambai sans ley. Mushq sey 30 minute pehley biwi sukoon kay liye valium ki 5mg ki ek goli ley ley. Mian jism ko mukhtalif andaaz sey mushta'el karey. Phir rano aur azai makhsosa ko mukhtalif andaaz sey mushta'el karey.

Androni aur beroni jinsi lips ko mushta'el karey. Agar iss doran mein biwi pursukoon ho to phi rap pani sab sey choti ungli dhili aur chikni ho aur iss kay nayls cut hun to ahista sey faraj mein dakhil karein. Iss doran mein biwi lambai lambai sans ley aur faraj kay muscles ko dhela chor dey. Half inch tak finger ander ley jaeyn. 2 or 3 minute baad mazeed dakhil karian hutta kay ek session mein puri ungli ander chulli jaey. Agar biwi ko ziyada khauf ho yeh woh ziyada takleef mahsoos karey to ungli nikal lejaey. Jab biwi puri choti ungli kay dakhool ko sukon sey bardasht karley to 5 minute tak ungli ki harkat ko bardasht karley to phir agla qadam. Ab pehley ki tarhan angoothey kay saath wali ungli ko darja badarja faraj mein dakhil karian. Jab puri chikni ungli dakhil hojaey to 5 minute tak isey harkat naa dein. 5 minute kay baad ungli ko ahista ahista ander bahir ley jaeyn.

Jab aap ki biwi iss ungli ki ander bahir harkat ko bardasht kar ley to phir isi tarhan angoothey kay saath wali 2 fingers ko chiknaa kar kay ahista ahista darja badarja faraj mein dakhil karian, hutta ka biwi en fingers ka mukammal dakhool pardasht karleyn, 5 minute baad fingers ko ander bahir harkat dein hutta ka woh iss harkat ko sukoon sey bardasht karley. Phir pura week yehi mushq ki jaey. Iss kay baad agla qadam mubaashirat (intercourse) hoga. Biwi mubashrat (intercourse) sey 30 minute pehley valium ki 5mg ki ek tablet ley ley, 15 or 20 minute kay foreplay kay bad aap pehley ki tarhan donon fingers faraj mein dakhil karian aur enhain ander bahir harkat dein. Aap neechey leyt jaeyn biwi aap kay ooper bethey aur zakar ko ahtiyat kay saath darja badarja dakhil karein. Zakar ko penetrate sey pehley chiknaa kar liye jaey. Iss position mein control chunkay biwi kay pas hoga to woh apni marzi sey jitnaa chahey gi zakar ko dakhil kar leygi. Agar isey ziyada khauf ho yeh ziyada takleef ho to zakar ko bahir nikal dey. Dakhool kay baad woh kuch deyr sakin rahey. Jab woh puri tarhan aramdah aur pursukoon mehsoos karey to ahista ahista ooper neechey strokes lagaey. Kuch din yehi mushq ki jaey. Iss kamiyabi kay baad aap apni pasand ki position use kar saktey hain.


SURAT-E-ANZAL (PREMATURE EJACULATION)


SURAT-E-ANZAL

Surat e Inzal (premature ejaculation) ka masla puri duniya mein aam hai. 1992 ki ek research kay mutabiq har 3rd American iss masley ka shikar hai. Hamarey yahan ek andazey kay mutabiq 50% sey zyada log premature ejaculation kay masley ki wajah sey apni biwi ko jinsi sukoon deney mein nakam rehtey hain. Jis ki wajah sey gharelu zindagi bohut talkh ho jati hai. Baaz auqat iss masley ki wajah sey divorce ho jati hai. Baaz khawateen doosrey mardon ko talash kar leti hain aur shareef khawateen ander hi ander ghuti rehti hain aur bohut si nafsiyati aur jismani beemariyun ka shikar ho jati hain. Surat e Inzal (premature ejaculation) kay masley mein kuch mard dakhool kay baad 2, 4 strokes laganey kay baad inzal ho jatey hain aur kuch dakhil kartey huay aur baaz dakhool sey pehley aur kuch foreplay kay doran mein hi inzal ho jatey hain. Baaz afraad aisey bhi hotey hain jo mamooli aur juzwi tanau (erection) aur baaz baghaer tanau (erection) kay hi inzal ho jatey hain. Iss kay baad mard sharmindagi sey bachney kay liye mubashrat (intercourse) sey ijtinaab karta hai.


                            Kafi dinon kay baad phir mubashrat (intercourse) ki koshish karta hai itney arsey mein mani (semen) ki naaliyan bhar jati hain jis ki wajah sey mamooli stimulation sey woh phir waqt sey pehley inzal ho jata hai. Agar yeh masla der tak jari rahey to kuch afraad iss ki wajah sey nafsiyati naa mardi ka shikar ho kar iss sharmindigi sey bach jaatey hain. Yani naa tanau (erection) hoga, naa mubashrat (intercourse) aur phir naa hi early inzal ki sharmindagi ho gi. Agar fard ek bar iss ka shikar hojaey to aa'enda expectation ki wajah sey jald inzal ho jata hai. Iss tarhan woh surat e inzal kay masley ka mustaqil mareez ban jata hai. Waisey har fard kabhi naa kabhi iss ka shikar ho jata hai. Aisi surat mein smile karein aur kahein kay aa'enda karkardigi behtar hogi. Mukhtalif maahireen nay early inzal ki mukhtalif tareef ki hai. Agar koi fard dakhool kay 30sec kay baad inzal hojaey to woh iss masley ka shikar hai. Ek maahireen kay mutabiq agar ek fard dakhool kay baad 1 minute sey pehley inzal hasil karley to iss ko surat e inzal ka masla hai. Master And Johnson kay mutabiq agar koi fard mubashrat (intercourse) mein apni biwi ko 50% bar jinsi sukoon mahiya naa kar sakay to iss ko surat e inzal ka masla hai merai khayal mein sab sey achi tareef doctor H.Kaplan ki hai iss kay mutabiq agar mard ko apney inzal per control hai yani woh apni marzi sey inzal hoto woh early inzal ka shikar nahi, agar isey inzal ya control nahi to isey surat e inzal ka mareez samjha jaeyga.





Surat e Inzal Ki Wajoohat

Iss masleyki Wajoohat kay silsiley mein America aur Europe mein bohut research ho chuki hain. Master And Johnson ki research kay mutabiq sur'at e inzal ki wajah taqreeban 100% nafsiyati hoti hai. Doosrey maahireen kay mutabiq bhi Surat e inzal (Premature Ejaculation) kay masley ki zyada tar nafsiyati wajoohat hoti hain. Jismani bohut kam.

Nafsiyati Wajoohat :


  • Humarey yahan iss masley ki bari wajah musht zani kay hawaley sey ghalat maaloomat ki bharmar hai. Neem hakeem ki wajah sey yeh baat maaroof hai kay musht zani ki wajah sey fard surat e inzal ka shikar ho jata hai. Lehaza woh jald inzal ho jata hai halan kay musht zani ka sur'at e inzal kay sath koi ta'alluq nahi. Dilchasp baat yeh hai kay iss waqt puri duniya mein surat e inzal kay masley ko control karney ka sab sey kamiyab aur popular tariqa musht zani hi hai. Iss ka tafseeli zikar aagey aaey ga.
  • Nakami ka khauf bhi iss masley ki ek aam wajah hai. Mubashrat (intercourse) kay waqt fard ko khauf hota hai ka kahin woh jald inzal na ho jaey to phir aisa ho jata hai. aap jaisa sochtey hain waisa hi ho jata hai.
  • Baaz log la shaoori tor per mubashrat (intercourse) ko bura samajthtey hain jis ki wajah sey woh lasharoi tor per ehsaas e gunah ka shikar ho jatey hain. Iss ehsaas e jurm o gunah ki wajah sey woh la shaoori tor per jinsi amal ko jald khatam kar detey hain.
  • Baaz log la shaoori tor per nahi chahtey kay inki biwi hamla ho chunancha aisey mard dakhool sey pehley hi inzal hojatey hain
  • Kuch mard shadi sey pehley bazari aurton sey apni jinsi khwahish puri kartey hain. Yeh aurtein zyada customer bhugtanay kay liye fard ko jald inzal kar deti hain. 2 or 4 times iss tarhan honay sey fard nafsiyat kay ek ahem rule conditioning ki wajah sey iss masley ka shikar ho jata hai.
  • Master And Johnson ki research sey maloom hota hai kay aisey afraad kay shuru kay jinsi amal jaldi mein kiye gaey hotey hain. Fard ko khauf hota hai kay koi dekh naa ley, woh pakra naa jaey. Iss soorat mein jinsi amal kay jald khatam honay mein hi iss ka bhala hota hai Chunancha woh jald inzal ho jata hai. Iss tarhan 2 or 4 bar inzal honay kay baad phir jald inzal hona iss ki aadat ban jati hai.
  • Surat e inzal (Premature Ejaculation) ki ek ahem wajah stress aur tension hai. Gharelu aur karobari pareshanion ki wajah sey fard jald inzal ho jata hai.
  • Pakistani society mein Surat e inzal (Premature Ejaculation) ki ek bohut bari wajah jagah aur waqt ki qillat hoti hai. Humarey yahan 90% logon ko jinsi amal kay liye alaehda room nahi miltey jis ki wajah sey woh amooman bachun waley room mein hi yeh fareeza ada kartey hain. Iss soorat mein mard ko khauf hota hai kay koi bacha jag naa jaey Chunancha iss ki khwahish hoti hai ka kisi bachey kay jagnay sey pehley woh jinsi amal ko mukammal karley. Iss tarhan woh jald farigh ho jata hai. 2 or 4 bar iss tarhan honay kay baad Surat e inzal iss ki adat ban jati hai.




Jismani Wajoohat (PHYSICAL WEAKNESS):


  • Premature Ejaculation ki jismani wajoohaat bohut kam hoti hain. Iss sorat mein mandarja zael wajoohat ho sakti hain.
  • Ahem jismani wajah prostate gland ki sozish, jalan aur zakham waghaera. Iss ka andaza aap khud bhi laga saktey hain. Iss sorat mein jald inzal kay elawa fard kay naaf kay neechey balon waley (pubic area) raan aur paet kay milnay ki jagah, kidney kay as pas , peeshaab pas kartey waqt tez khafaf, musalsal yeh waqfey waqfey sey dard mehsoos karta hai.
  • Prostate ya masaney ki koi beemari khusoosan prostate kay bhar janay sey bhi yeh masla paida hojata hai.

  • Peeshab ki nali mein sozish bhi, jis ki wajah sey fard jaldi jaldi peeshab ki khwahish mehsoos karta hai ek wajah ho sakti hai.
  • Baaz auqat zakar khusoosan iss ka agla hissa zyada hassas ho jata hai jis ki wajah sey fard jald inzal ho jata hai kuch mahireen ka khayal hai kay Premature Ejaculation ki ahem wajah yehi hai.
  • Zakar agar chikna hoga khusoosan iss ki topi to fard jaldi inzal ho jata hai.
  • Agar 2 inzalon kay darmiyan lamba waqfa ho to fard jaldi inzal ho jata hai. Agar aap 15 din kay baad mubaashirat (intercourse) kartey hain to nisbatan jald inzal hoga.
  • Premature Ejaculation ki wajah kamzor pubococcygeal muscles bhi hain. Kamzor PC muscles ki wajah sey fard kay peeshab kay qatrey bhi nikaltey hain aur woh inzaal bhi jald ho jata hai.
  • Backbone mein kisi kharabi ki wajah sey bhi yeh masla paeda ho sakta hai.
  • Agar fard ko peeshab per achanak control khatam ho jaey to bhi wajah jismani ho sakti hai. Iss soorat mein amooman prostate ka masla hota hai.

SURAT-E-ANZAL (PREMATURE EJACULATION TREATMENT):

 Agar aap kay khayal mein masley ki wajah jismani hai to sab sey pehley kisi achey doctor urologist sey raabta karein. woh aap ko mukammal tor per check aur elaj karein. Iss kay elaj sey aap iss masley per control hasil kar sakein gay. Ta hem Premature Ejaculation (Surat e Inzal) ki jismani wajah na honay kay baraber hoti hai. Iss soorat mein mandarja zael tariqon per amal kar kay iss masley ko control kya ja sakta hai. Ek baat zehen mein rahey kay kamiyab tareen tariqa bhi sab afraad kay liye ek jaisa mu'asser nahi hota. Lehaza inn sab tariqon ko use karein aur dekhein kay aap kay liye kon sa tariqa useful hai.



MEDICINES FOR PREMATURE EJACULATION SURAT-E-EANZAL K LIYE ADVIYAT


  • Baaz maahireen ney Premature ejaculation (surat e inzal) ko adviyaat sey control karney ki koshish ki hai. Amooman adviyaat iss masley ka mustaqil hal nahi aur na hi yeh sab kay liye mu'asser hain. Yeh adviyaat mubashrat (intercourse) kay waqt ko 5 sey 10 minute tak bharhaati hain. Adviyaat amooman mubashrat (intercourse) sey 4 ghantey pehley li jati hain jab kay Antidepresssent 5 – 24 hours pehley leni parti hain. Baaz auqat rozana li jati hain. Inn adviyaat ki low khoorak li jati hai. Inn kay koi khaas side effects nahi hotey. Inn mein mandarja zael adviyaat ko azmaya ja sakta hai. Paxil, Zoloft, clomofranil, Prozac, Luvox.
  • Mubashrat (intercourse) kay waqt ko barhanay waley aur ek mubashrat (intercourse) mein zyada orgasm hasil karney waley tariqey use kiye jaein. Inn ka zikar peechey guzar chuka hai. Bohut sey log sirf mubashrat (intercourse) kay waqt tawajjuh ko muntashir kar kay inzal per control hasil kar letey hain.
  • Agar aap ko nakami ya doosrey khauf aur anxiety hai to mubashrat (intercourse) sey aadha ghanta pehley valium ki 5mg ki ek tablet use karein.
  • Mubashrat (intercourse) ki raat coffee, tea aur doosrey cola mashroobaat aur zyada pani peeney sey parhaez kya jaey. Inn sey fard ko zyada peeshab ata hai aur iss sey inzaal bhi jaldi ho jata hai. Behter hai kay mubashrat (intercourse) sey pehley peeshab kar kay masaney ko khaali kar liye jaey.
  • Foreplay kay doran mein mian apney neechey waley kaprey na utarey aur biwi mian kay hasas jinsi hisson ko naa touch karey. Donon biwi kay stimulation per tawajjuh markooz karein. Biwi bhi apni sari tawajja apney jinsi stimulation per markooz karey. Iss kay liye woh jinsi tasawwurat bhi use kar sakti hai, hutta kay biwi orgasm hasil karley, iss kay liye dakhool zaroori nahi. Biwi kay orgasm kay husool sey mian ki 90% tension khatam ho jati hai aur iss kay sar sey biwi ko satisfy karney ka pressure khatam ho jata hai. Aur woh zyada der tak mubashrat (intercourse) kar sakta hai. Iss doran mein biwi agar doosra orgasm hasil karley to bohut acha, naa bhi karey to bhi theek. Woh pehley hi satisfy ho chuki hai.
  • Amooman fard inzal kay baad dubara mubashrat (intercourse) ki koshish nahi karta bul kay sharmindagi ya phir jald inzal kay khauf ki wajah sey 10, 15 din biwi kay qareeb nahi jata. Halan kay behter yehi hai ka isi raat 1, 2 ghantey kay baad phir mubashrat (intercourse) ki jaey. Aksar mard, doosri mubashrat (intercourse) mein jald inzal nahi hotey. Agar doosri mubashrat (intercourse) mein dakhool kay baad tawajjuh ko muntashir kar diya jaey to mubashrat (intercourse) ko kafi taweel kya ja sakta hai.

  • 40 saal ki umar tak aasani sey dubara mubashrat (intercourse) ki ja sakti hai. Agar iss raat doobara tanau (erection) naa ho to agli raat zaraor mubashrat (intercourse) karein aap ko inzal per zyada control hoga. Doobara tanau (erection) laney kay kaee tariqey hain jin ka tafseeli zikar hamari doosri book " Azdawaji Khushiyan___Khawateen Kay Liye" mein mojood hai. Iss ka muta'alla kar lijiye.
  • Surat e inzal (premature ejaculation) ko control karney ka ek aasan tariqa yeh hai kay aap 1 ya 2 condom use karein ya mota ek condom use karein. Iss sey zakar ki hassasiyat kam ho jati hai aur fard jald manzil nahi hota.
  • Mard jab jinsi tor per bohut zyada mushtail ho to iss waqt dakhool naa karey. Iss soorat mein woh jald manzil ho jaey ga. Mard iss waqt dakhool karey jab biwi orgasm hasil karney kay bilkul qareeb ho.
  • Baaz maahireen naujawanon ko yeh mashwarah detey hain kay woh mubashrat (intercourse) sey 1 or 2 ghantey pehley musht zani karein. Iss sorat mein mubashrat (intercourse) mein jald inzal nahi hoga. Iss kay elawa dakhool kay baad tawajjuh ko bhi muntashir kardein.
  • Dakhool kay waqt zakar ko chiknaa naa kiya jaey, agar zakar chikna hoga to inzal jald ho jaey ga. Tahem agar chiknaahat ki bohut zaroorat ho to zakar ki shaft per mamooli chiknaahat laga lein aur zakar ki topi kay ooper chiknaahat kay bajaey thook lagain. Iss tarhan dakhool aasan ho jaey ga. Dakhool kay baad thook ko khushk ho jaey ga aur aasan stroking kay liye faraj ki apni chiknaahat kafi hogi. Tahem agar zyada chiknaahat use ki jaey to yeh bhi useful hai.

  •  Mubashrat (intercourse) mein inzal kay qareeb fard ki saans bhi tez ho jati hai. Saans ki tezi ko control karein. Iss kay liye zuban ko turn kar kay galey kay ander ley jaien, Saans ki raftar kam ho jaey gi. Iss kay sath hi anus kay muscles ko bhi bheenchein ya saans rok lein aur sath hi anus kay muscles ko bheenchein. Iss sey mubashrat (intercourse) ka waqt taweel ho jaey ga.
  • Inzal kay qareeb zakar ko thora sa baher nikalein aur iss ki base ko zor sey bheenchein hutta ka inzal ki khwahish khatam ho jaey ya sara zakar baher nikal kar iss ki topi ko zor sey bheenchein hutta kay inzal ki khwahish khatam ho jaey. Khwahish khatam honay per phir penetrate karein.
  • Mubashrat (intercourse) kay doran mein inzal kay qareeb jhatkay laganey band kar kay paet sey lambey lambey saans lein. Iss sey mubashrat (intercourse) taweel ho jati hai
  • Inzal kay qareeb khusyey ooper ko ho jatey hain. Agar inn ko ooper naa janey diya jaey to bhi inzaal ko control kya ja sakta hai. Iss kay liye biwi mubashrat (intercourse) kay shuru mein hi dakhool kay baad mian kay khusyon ko aaram sey pakrey. Inzal kay qareeb mian kay ishaarey per biwi khusyon ko aaram sey neechey ko khaench ley to inzal naa hoga. Jazbaat mein kami ho jaey gi. Fard phir mubashrat (intercourse) mein masroof ho jaey zaroorat parney per biwi phir khusyon ko neechey ko khaench ley. Kaee bar aisa kya ja sakta hai. Aap khud bhi khusyon ko ooper janey sey rok saktey hain. Mubashrat (intercourse) kay waqt apney khusyon ko apni ranon kay darmiyan bheench lein, khusyon ki goliyon kay ooper rubber band bandh lein, iss sey khusyey ooper naa ja sakein gey, aur inzaal naa hoga ya phir khusyon kay gird koi kapra bandh kar isey apni sareen (hips) kay peechey sey pakar lein aur inzal kay qareeb kaprey ko neechey ko kheench lein. Iss tarhan inzal ruk jaey ga. Yeh Chinese tariqa kehlata hai.

CHINESE TREATMENT

Chinese tariqa bhi kafi mu'asser hai. Inzal sey pehley hath ki four fingers sey anus aur khusyon kay darmiyan wali jagah ko zor sey dabaein aur saath hi lambey lambey saans lein. Dabau bilkul darmiyan mein ho. Dabau agar anus kay qareeb hoga to inzaal naa rukey ga. Agar khusyon kay qareeb hoga to mani (semen) kharij honay kay bajaey masaney mein chali jaey gi. Yeh ek mu'asser tariqa hai isey kabhi kabhar use kya jaey. Zyada use karney sey yeh kam mu'asser ho jata hai agar prostate mein infection ho to isey use naa kya jaey.
Mubashrat (intercourse) kay mukhtalif tariqey aazmaein aur maloom karein ka kis tariqey mein aap ko inzal per control hasil hota hai. Amooman mard neechey aur aurat ooper wala tariqa zyada useful hai magar baaz afraad kay liye missionary tariqa zyada mufeed hai. Aap dekhain kay aap kay liye kon sa tariqa useful hai phir zyada tar ussi tariqey ko use karein.

SPRAY FOR PREMATURE EJACULATION

Agar zakar zyada hassas hai to zakar ko sunn karney wali dawa use karein. iss kay liye market mein spray mojood hain. Yeh spray mubashrat (intercourse) sey 20 -30 minute qabal use karein inhein mu'asser honay mein itni der lag jati hai shuru mein sirf topi per achi tarha sey spray karein.  1 or 2 minute kay liye spray ko khushk honay dein, kapra waghaera naa lagaein Warna spray useful naa hoga. Spray kay baad foreplay karein aur 20 sey 30 minute baad mubashrat (intercourse) karein. Behtar hai kay mubashrat (intercourse) sey pehley spray ko wash karliya jaey. Naa bhi wash karein to bhi theek hai. Iss ka koi nuqsan nahi. Agar sirf topi per spray sey aap ko koi khaas faeda naa ho to saray zakar per spray karein. Agar spray kay sath tawajjuh munharif karney waley tariqey bhi use karein to zyada control hasil hoga. Humarey yahan stores mein yeh spray mojod hain Animation, Dooze, Stud 100 spray kisi achi general store kay cosmetic kay shobai ya kisi medical store sey khareedein. Koshish karein kay yeh asli ho bazar mein ja'ali bhi mojod hain. Amooman achey barey stores sey asli spray mil jata hai. Sab sey pehley animation ko use kar kay dekhein. Yeh kafi useful hai ek bottle mein 200 kay lagbhag spray hotey hain. amooman ek bottle kay use kay baad mazeed zaroorat nahi parti.


CONDOMS OR PREMATURE EJACULATION

Aaj kal bazar mein aisey condom bhi miltey hain jin mein dawa lagi hoti hai. Isey zakar kay ooper charhanay sey zakar ki hiss kam hojati hai. 20 ,30 minute kay foreplay kay baad mubashrat (intercourse) karein to aap ki mubashrat (intercourse) kafi taweel ho jaey gi.

HYPNOTHERAPY

Surat e inzal (premature ejaculation) kay control kay liye hypnotism bohut mu'asser hai. Iss silsiley mein kisi aisey hypnotherapist sey raabta karein jo jinsi masail ka bhi mahir ho. Har hypnotherapist jinsi masail ka mahir nahi hota. Iss mein pehley masley ki wajah maloom ki jaati hai, iss wajah ko khatam kya jata hai.  Iss kay sath mukhtalif tariqon sey fard kay control ko barhaya jata hai. Fard amooman 5, 6 sessions mein mukammal control hasil kar leta hai.


Guzishta dinon merey paas ek un parh aur bohut ghareeb fard premature ejaculation kay elaj kay liye aya. Woh ju'nhi biwi kay pas jata jald inzal ho jata. Nafsiyati elaj sey maloom hua kay iss ki pehli mubashrat (intercourse) jaldi mein ki gai thee. Ab har mubashrat (intercourse) kay waqt isey yehi khauf tha kay woh phir jald inzal ho jaey ga.. Iss kay pehley waqiyat kay asrat ko zehen sey khatam kya gaya iss kay jazbaat ko bhi khatam kardiya gaya. Shakhsi hypnotysm ki madad sey iss ney apney aap ko zyada pursukoon kar liya. 2 Month kay elaj kay baad isey mukammal control hasil ho gaya. Woh iss qadar khush tha ka merey liye khusoosi tohfa khalis milk ka box, ghee aur saag ley kar aya. Hypnotherapy sey fard naa sirf zyada pursukoon ho jata hai (jo ka inzaal kay control kay liye zaroori hai) bul kay nakami kay khauf ko bhi aasani sey khatam kya ja sakta hai. Hypnotherapy ki madad sey zakar ko sunn bhi kya ja sakta hai. Baaz auqat premature ejaculation ki wajah P.C muscles ki kamzori hoti hai. Agar inn muscles ko sukht kar liya jaey to bhi yeh masla hal ho jata hai. Inn muscles ki mazbooti sey naa sirf fard ko inzaal per control hasil ho jata hai bal kay orgasm bhi lutf angaez ho jata hai. Iss mushq sey peeshab kay qatrey bhi ruk jatey hain. Tanau (erection) behter ho jata hai aur kuch afraad ka zakar kuch mota ho jata hai. Doctro Kegel ney P.C muscles ko mazboot karney kay liye ek mushq tajveez ki jo kay isi kay naam Kegel Exercise sey ma'aroof hai. Yeh mushq mardon aur aurton donon kay liye mufeed hai. Mushq kuch youn hain.

KEGEL EXERCISES:

Kegel mushq mein ek khas qism kay muscles ko mazbut kya jata hai. Yeh anus kay muscles hotey hain. Agar aap ko rafa e hajat ki zaroorat ho magar kisi wajah sey aap bathroom nahi ja saktey to note karein ka isey kaisey control kartey hain, Kin muscles ko bheenchtey hain. Yeh P.C muscles hi hotey hain. Jin ko bheench kar aap apney bol o baraz ko control kartey hain. P.C muscles ko behtar tor per janney kay liye bathroom mein jaien. Peshaab karein phir isey 3 seconds kay liye darmiyan mein rok lein aur chor dein. Phir 3 seconds kay liye rok lein aur chor dein. Ek din mein subha, dopahar aur sham 3 bar 10, 10 minute kay liye Kegel mushq karein. Note karein kay aap kin muscles ko bheench kar peshaab ko roktey hain. Achi tarhan janney kay baad phir inhi muscles ki mushq peeshaab kiye baghaer karein. Kegel exercises bethey, kharey aur laetney ki halat mein bhi ki ja sakti hai.

First Week:


  • Yeh mushq din mein 3 times subha, dopahar aur sham karni hai.
  • Ek mushq mein 5 time P.C muscles ko bheenchna hai.
  • Ek dafa inn muscles ko 3 sec kay liye bheenchna hai.



Second Week:


  • Kegel Mushq din mein 3 bar karein.
  • Ek mushq mein 10 times PC muscles ko bheenchein.
  • Ek dafa inn muscles ko 5 sec kay liye bheenchein. 





Third Week:


  • Kegel Mushq din mein 3 times ki jaey.
  • Ek mushq mein 15 time PC muscles ko bheenchein.
  • PC muscles ko bheenchney ka waqt 10 sec hoga. 





Fourth Week:


  • Kegel Mushq din mein 3 time karein.
  • Ek mushq mein 20 martaba PC muscles ko bheenchein.
  • Ek dafa en muscles ko 15sec kay liye bheenchein. 





Fifth Week:


  • Kegel Exercises din mein 3 time ki jaey.
  • Ek mushq mein 30 bar PC muscles ko bheencha jaey.
  • Ek bar PC muscles ko bheenchney ka waqt 20 sec hoga.



Sixth Week:


  • Bilkul ooper ki tarhan tahem PC muscles ko bheenchney ki tadaad ko 10,10 kar kay 100 tak barhaya ja sakta hai. Kegel mushq kisi bhi halat mein ki ja sakti hai. Aap isey office mein, ghar mein, rastey mein, kam kartey huey, kisi bhi soorat mein kar saktey hain. Amooman 2 week ki Kegel mushq kay baad inzal kay waqt mein izafa ho jata hai. 6 sey 8 week mein inzal per control hasil ho jata hai. Kegel Exercises ko brush karney ki tarhan apni zindagi ka hissa bana lein.



After 6 weeks:


  • Six week kay baad aap apney zakar ko mushta'el karein aur inzal kay qareeb PC muscles ko bheench kar inzal ko control karein.
  • Ek mushq mein 4 time PC muscles ko bheench kar inzal ko control karein, last bar inzal ho jaey ga.
  • PC muscles ki madad sey inzal ko control karney ki mushq ek din chor kar karein.
  • Kegel Exercises iss waqt tak jari rahey, jab tak control hasil naa ho jaey.
  • Agar shuru mein pehli bar hi inzal ho jaey to relax rahein. 1 or 2 hours kay baad phir yehi mushq karein.
  • Jab musht zani mein PC muscles ko bheench kar inzal per control hasil ho jaey to phir mubashrat (intercourse) per inzal sey pehley ek dam PC muscles ko bheench kar inzal ko control karein.
  • Baaz log ek bar kay bajaey 2 bar PC muscles ko bheench kar control karna pasand kartey hain. Aap kay liye jo tariqa mu'asser ho wohi use karein.

START AND STOP METHOD

Donon mian biwi apney kaprai utarleyn. Thori der pyar mohabbat karein. Jab mian ko tanau (erection) aajaey to phir woh ankhein band kar kay pusht per laet jaey. Biwi iss kay backs kay baraber ek side per beth jaey aur mian kay sukht zakar ko hath mein pakrey aur darmiyani raftar aur ek khas rythm kay sath apney hath ko ooper neechey harkat dey. Inzal sey thora der pehley mian ishara karey to biwi 15, 20 seconds kay liye ruk jaey. Jab mian ki inzal ki khwahish khatam hojaey to phir biwi mian kay ishaarey per dubara zakar ko mushta'el karey. Inzal kay qareeb phir ruk jaey. Iss tarhan 3 bar yeh mushq ki jaey aur 4th time inzal hojaey.



Jab khushk hath sey biwi musalsal 5 minute mian kay zakar ko mushta'el karey aur woh inzal naa ho to phir yehi mushq chikney hath sey ki jaey. Biwi hath ko cream waghaera lagaley aur phir pehley ki tarhan mian kay zakar ko mushta'el karey. Inzal kay qareeb mian kay ishaarey per 5, 20 sec kay liye ruk jaey. Jab inzal ki khwahish khatam hojaey tphir dubara stimulation shuru kardey. 3 times isi tarhan karey aur 4th time isey inzal karwadey. Jab baghaer inzal kay biwi 5 minute chiknay hath sey musalsal stimulation kar sakay to phir agla qadam uthain. Ab biwi khush hath sey wohi mushq karey m agar ab inzal kay qareeb ruknaa nahi bul kay slow hojanaa hai. Inzal ki khwahish khatam honay per mian kay ishaarey per stimulation ki raftar ko kuch teez kardey. Iss tarhan 3 time karey aur 4th time stimulation jari rakhai hutta kay inzal hojaey. Jab biwi 1, 2 time raftar ko kam karkay musalsal 15min mian ko mushta'el karey aur woh inzal naa ho to agla qadam uthain. Iss mein ab wohi mushq chiknay hath sey ki jaey. Yani mian kay zakar ko chiknay hath sey mushta'el karey. Inzal kay qareeb iss kay ishaarey per raftar sust karley. Inzal ki khwahish khatam honay per harkat ko tez kardey. Iss tarhan 3 time karey aur 4th time isey inzal karey.


Jab biwi inzal kay bahgiar 1, 2 time raftar kam karkay 15 minute musalsal chiknay hath sey yeh mushq kar sakay to agla qadam mubaashirat ka hoga. Iss kay liye pehley foreplay karein jab pura tanau (erection) ajaey to mian eyes band karkay pusht per laet jaey. Biwi iss kay ooper sawar ho jaey. Biwi ka weight iss ki taangon per ho. Zakar ko faraj mein daakhil karey, iss kay liye hath naa lagai.  Dakhool kay baad biwi nay hilnaa nahi bul kay sakin rahey. aur thori deyr sukoon sey bethi rahey. Jab mian control hasil karkay pur aitmaad mehsoos karey to woh biwi kay Sareen per hath rakhai aur isey ooper neechey harkat karney ka isshara karey. Inzal kay qareeb mian kay ishaarey per ruk jaeyn. Mian ki inzal ki khwahish khatam honay per phir biwi ooper neechey harkat karey. 3rd time mian inzal hojaey. Jab biwi yeh mushq 1, 2 stops kay saath musalsal 15 minute kar sakay to phir dakhool kay baad biwi sakin rahey aura b mian neechey sey harkat karey. Inzal kay qareeb ruk jaey.



Dubara yehi mushq karey aur 3rd time inzal hojaey. Ab yehi mushq chikni faraj kay saath karein. Yani itnaa foreplay karein ka biwi ki faraj chikni hojaey yeh phir zakar ko chiknaa kiya jaey. Dakhool kay baad mian neechey sey harkat karey. Discharge kay qareeb ruk jaey yeh slow hojaey. Dubara yehi mushq karey aur 3rd time inzal hojaey. Yehi mushq jab chikni faraj kay saath 1, 2 raftar kam karkay musalsal 15 minute ki jaey sakay to mard ki pasand ki position kay saath start and stop ki mushq ki jaey. Jab iss sorat mein 1, 2 stop kay saath 15 minute musalsal control hasil hojaey to phir yehi mushq slow and fast kay andaaz mein ki jaey.

NOTE:


  1. Mushq kay liye half hour sey lia kar 1hour waqt use karein. Behtar hai waqt bhi muqarrar ho.
  2. Yeh mushq week mein 2/3 bar ki jaey. 3 bar sey ziyada ho to behtar, 2 bar sey kam ho to ghaer mu'asser.
  3. Agar shuru mein mian jald inzal hojaey to half hour kay baad phir mushq ki jaey.
  4. Pehley hissey mein mubaashirat (intercourse) nahi karni aur mushtzani bhi manaa hai.
  5. Amooman 8/10 week mein mukammal control hasil hojata hai yeh kabhi pehley bhi. Kabhi kuch deyr baad.
  6. Agar mian biwi ki madadsey iss masleyper control hasil naa kar sakay to phir kisi achai maahireen naafiysat sey elaj karey.

0 Your Comments:

Post a Comment

Related Posts Plugin for WordPress, Blogger...

Google+ Followers

Pageviews

Share it

Google+ Badge